مقارنة بين البنت الهاى كلاس والبنت اللو كلاس

في مركز أبحاث علوم الكائنات الخرافية واللاسلكية ، قمت بعمل بحث للمقارنة بين
البنت الهاي كلاس الفافي الرقيقة والبت البئية اللو كلاس اللي عايزة ضرب النار

البنت الناعمة _الهاي كلاس

طبعاً البنت دي وهي نايمة في غرفتها الدبدوب والأرنوب كلهم في حضنها وإذا قامت من النوم ما تقومش إلا الساعة وحدة الظهر واللي تقعدها من النوم الشغالة وطبعاً

تكلمها بالإنجليزى بترجم لكم ايه قالت لها الخدامة الفليبينية .. تقول "قومي ماما وقت كتير تأخير" .. والناعمة أول ما تصحى من النوم تفتح الستارة والشباك علشان

الغرفة تتنفس وشغلت موسيقى رومانسية علشان يكون الجو رايق وتاخذ حمام محترم وبعد ما تطلع من الحمام على المراية تحط من كريمات والصبغ .. لازم تحافظ على

البشرة .. خلصت من المراية وتتجة الآن إلى السشوار وبعدين تلبس البنطلون الجنز والبلوزة .. وتنزل تاكل الفطور اللي يكون عبارة عن دونت وعصير برتقال

البنت االلوو كلاس - بيئة يعني

تقوم الساعة 8 الصبح وهي مش عايزة تقوم وتدخل أمها عليها بالغرفة وتصرخ عليها قومى شبعتي نوم ترد الدفشة على أمها .. طيب طيب دلوقتى هقوم وتقعد

تأفففففففف ويطلع من فمها نار .. بالإضافة إلى انها وهي نايمة كل دقيقة تقع من على السرير .. وبعدين يدخل أخوها الصغير ويصرخ ويجعجع يالله كفاية نوم .. ترد

عليه : أطلع من الغرفة وإلا أرميك من الشباك دلوقتي .. المهم أخوها اللي أكبر منها يروح لها الغرفة يرفسها وبعد الرفسة العنيفة دي تصحى من النوم

البنت الناعمة _الهاي كلاس

ما تتغداش إلا الساعة 4 ولا 5 ومتتغداش إلا على عيش أو بيض مسلوق وسلطة تحافظ على رشاقتها

البنت اللوو كلاس - بيئة يعني

تتغدا الساعة 12 بالضبط ومتتغداش إلا محشي ولحمة او فراخ واذا خلصت تشرب البيبسي على بوق واحدة يعني مافيش مجال إنها تتنفس .. وما تسمعش بعدها إلا أصوات مخيفة

البنت الناعمة _الهاي كلاس

خروجها بيكون من بعد صلاة المغرب ما بتخرجش العصر تحافظ على البشرة من ضوء الشمس

البنت اللوو كلاس - بيئة يعني

تطلع الساعة 2 العصر تروح لبيت قرايبها لحد ما تسمرّ

البنت الناعمة _الهاي كلاس

تروح " أون ذا رَن " أو أي كافيه وقبل ماتخرج تروح على الكوافير تحط الميك أب

البنت اللوو كلاس - بيئة يعنى

تحط كحل يملى العين والروج تقول ما كلة بيعمل كده ، وإذا خرجت اخرجها العتبة

البنت الناعمة _الهاي كلاس

لو عايزة تضحك تضحك تقول ( هههههههههه) وإيديها على بوقها من الخجل والضحكة من الصعب إنك تسمعها

البنت االلوو كلاس - بيئة يعني

ها ها ها ها .. هع هع هع... والحاره الثانية تسمعها

البنت الناعمة الهاي كلاس

لما تحب تسمع أغاني متسمعش عربي متسمعش إلا ريكي مارتن طبعاً لانه حلو وممثلها المفضل توم كروز وميل جبسون لوسامتهم وجيم كاري لخفة دمه

البنت اللوو كلاس - بيئة يعني

ممثلها المفضل شعبان عبد الرحيم ومطربها المفضل شعبان عبد الرحيم برضه

البنت الناعمة _الهاي كلاس

لما تتفرج على التلفزيون تقعد على الكرسي وتحط رجل على رجل وتبتسم لأن الإبتسامة تضفي بشاشة على الوجه

البنت اللوو كلاس - بيئة يعني

تترمي على الأرض وتحط راسها على المخدة وتمد رجلها وتحطها على التلفزيون ولو عايزة تغير القناة ضربت التلفزيون باصبع رجلها وغيرت القناة

البنت الناعمة _الهاي كلاس

لما تيجي تحلم.. تحلم أحلام اليقظة تخرج في جنينة بيتهم وتقعد على الكرسي الهزاز و الكرسي يروح ويرجع

البنت االلوو كلاس - بيئة يعني

تيجي في الحوش وتمد السجادة اللي فيها خمسة وثلاثين لون أحمر وأسود وأبيض وجابت كوبايه ستة متر متروسة شاي

البنت الناعمة _الهاي كلاس

في نهاية الموضوع تقولكم تشاو .. أو سي يوو .. أو باى

البنت اللوو كلاس - بيئة يعني

في نهاية الموضوع تقولكم .. اسيبكـوا بعـافية .. عايزين حاجة


--------------------